Најдобриот српски тенисер превентивно го прекина спаринг тренингот.
Остануваат уште пет дена до почетокот на Австралија опен, а Новак Ѓоковиќ со триумфот во Аделаида покажа дека е во одлична форма. Србинот има голем мотив да освои уште една титула во Мелбурн, меѓу другото и поради добро познатите настани од минатата година.
Сепак, додека спарираше со Данило Медведев на „Род Лејвер Арена“ почувствува болка, па мораше да прекине со тренинзите по само 36 минути. И секако тоа беше аларм за навивачите на Новак во пресрет на Австралија опен. Но, најдобриот српски тенисер веднаш одговори за што се работи:
„Тоа е тетива со која имав проблем во Аделаида и минатата недела. Само почувствував дека влече и не сакав да ризикувам ништо полошо. Го одиграв сетот и му се извинив на Медведев. Имаше разбирање. Само сакам да избегнам поголеми стравови пред Австралија опен“, изјави Ѓоковиќ за „Мелбурн њуз“.
