Новак Ѓоковиќ се врати на првото место во светот и сега ја започнува рекордната 381-ва недела на врвот на АТП листата.
Ѓоковиќ има 380 бодови пред Шпанецот Карлос Алкараз, од 9 април во Монте Карло повторно ќе се води битката за местото на најдобриот во светот.
Новак на тој начин продолжува да го зголемува сопствениот рекорд по број на недели на позицијата број 1, позицијата што првпат ја освои во јули 2011 година. Интересно, кога ќе се погледне АТП листата од пред точно 11 години, Ѓоковиќ е единствениот кој остана во топ 10 и тоа на првото место.
Од преостанатите девет во првите десет во април 2012 година, Рафаел Надал падна на 13-то, Енди Мареј на 52-то, а останатите седум се повлекоа од тенисот – Федерер, Фертер, Цонга, Бердих, Типсаревиќ, Фиш и Дел Потро.
Најдобриот босански тенисер Дамир Џумхур забележа пад од пет места и моментално е 200. светски играч.
