Новак Ѓоковиќ вели дека само дополнително е мотивиран од сомнежите за повредата на тетивата.
Сите настани од Мелбурн можете да ги следите во БЛОГ ВО ЖИВО на веб-страницата на Sport Club.
Претходните денови вакви тврдења се појавија во одредени медиуми, дури и Тод Вудбриџ изјави дека Новак можеби претерува …
*Де Минор: Мислам дека никогаш не сум играл против подобар
„Сомнежите им ги оставам на нив, тие што се сомневаат нека продолжат да се сомневаат. Се сомневаат само во моите повреди, а кога ќе се повредат некои други играчи, тие се жртви, а јас сум тој што се преправа. Тоа е многу интересно, знаете кој е. Не чувствувам дека треба никому нешто да докажам“, рече Ѓоковиќ и додаде:
„Имам снимки од пред две години, магнетна резонанца, ултразвук… Не знам дали ќе го објавам на мрежите, во документарец. Зависи како се чувствувам, можеби ќе направам, можеби нема… Не ми е гајле што велат и мислат луѓето. Тој наратив околу мене, кој е различен од другите играчи, само продолжува. Навикнат сум на тоа, а тоа ми дава дополнителна сила. Значи – ви благодарам за тоа“.
Новак минатата година изјави дека на некои им паднале маските …
„Ќе паднат уште многу маски, особено маските што беа создадени во последните две години што беа создадени со оваа ситуација. Заинтересиран сум да го видам тоа“.
Ѓоковиќ во четвртфиналето на Австралија опен ќе се сретне со Андреј Рубљев.
