Новак Ѓоковиќ ги поддржа студентите, професорите и средношколците кои со недели протестираат и бараат одговорност за трагедијата што се случи на железничката станица во Нови Сад кога загинаа 15 лица.
Српскиот тенисер, сопственик на 24 грен слем титули, се огласи на својот X профил во средата навечер.
„Како некој кој длабоко верува во силата на младите и нивната желба за подобра иднина, мислам дека е важно нивниот глас да се слушне.
Србија има огромен потенцијал, а образованата младина е нејзината најголема сила.
Она што ни треба на сите е разбирање и почит. Со тебе Новак“, рече Ѓоковиќ, кој претходно ги поддржа и протестите против ископувањето литиум во Србија.
