Во Србија годишно од рак заболуваат над 40.000 луѓе, а таа болест одзема повеќе од 20.000 животи, беше објавено денеска по повод почетокот на националната кампања „Ракот се лекува 2“.
Србија е на 18-то место во Европа по зачестеност на малигни заболувања, но и на второ место по смртност, пренесува РТС.
Србија е на прво место во Европа по бројот на смртни случаи од рак на белите дробови, а малигните заболувања ги погодуваат сите возрасти – бебиња и деца, млади и стари, мажи и жени.
Кампањата ќе започне на Светскиот ден на ракот, 4 февруари, симболично од пет до 12.
