Синоќа во катедралната црква Св. Софија се одржа традиционалниот годишен концерт на учениците од ООМУ „Методи Патче“
На концертот учествуваа најдобрите и најталентирани ученици кои во учебната 2023/24 година беа наградувани на државни натпревари во нашава земја и надвор од неа.
За постигнатите успеси покрај учениците годинава беа наградени и дел од наставниците за посебен придонес и афирмација на музичкото училиште.
Проектите на оваа образовна институција беа поддржани од Општина Охрид и градоначалникот Кирил Пецаков, Македонската Православна Црква, фестивалот „Охридско Лето“ и други институции.
