Ноќта пред годишнината од почетокот на војната во Газа помина во палестинската енклава со нови напади. Во исто време, израелските авиони продолжуваат со силно гранатирање на Бејрут. Во меѓувреме, палестински Хамас и либански Хезболах истрелаа ракети врз Израел.
Израелската војска им соопшти на новинарите дека нападнала болница во центарот на Газа за која тврди дека ја користеле членови на Хамас. Исламистичкото движење, кое го нападна јужниот дел на Израел пред една година, во меѓувреме лансираше неколку ракети, кои, како што рече, биле насочени кон граничните премини окупирани од израелските сили и населба во близина на границата со Газа.
Израелската војска соопшти дека противвоздушната одбрана соборила три од проектилите, додека четвртиот наводно паднал во ненаселена област. Како одговор, Израел изврши нови напади врз Газа, јавува катарската телевизија Ал Џезира.
Немирна ноќ е и за жителите на либанската престолнина, каде Израел продолжува со воздушните напади. Најмалку 12 лица загинаа во повеќе експлозии, според локалните здравствени власти. Како што расте бројот на загинати, Израел инсистира дека цели на зградите на Хезболах.
Либанскиот Хезболах објави дека со ракети гаѓале две воени бази на северот на Израел, а според израелските медиуми ракетите ги погодиле градовите Хаифа и Тиберија и раниле десет лица.
Израелски напад врз Бејрут Фото: Амр Абдала Далш/Ројтерс
Пет ракети го погодија центарот на Хаифа, што е прв таков напад врз третиот по големина град во Израел во изминатата година.
