Германската држава ќе стане мнозински акционер на проблематичниот енергетски гигант Унипер, објави нејзиниот претходен мнозински сопственик, финската компанија Фортум.
Договорот меѓу Фортум, германската влада и Унипер ќе му овозможи на Берлин да ја преземе целосната контрола над Унипер за да го обезбеди снабдувањето со енергија во Германија, се вели во соопштението што го објави Политико.
Според планот, Германија ќе биде сопственик на 98,5 отсто од компанијата, но договорот се уште чека одобрение од Европската комисија.
Германската влада се согласи на дополнително зголемување на капиталот од осум милијарди евра, а државната банка KfV ќе го „премости финансирањето“ на Uniper.
„Унипер“, најголемиот снабдувач на природен гас во земјата, е погоден од криза со ликвидност и финансиски загуби откако руски „Газпром“ престана да ги испорачува договорените испораки на гас, договорени на долгорочна основа.
Компанијата беше принудена да купува заменски гас на пазарот по цена која е и до шест пати повисока од ланската.
Новиот договор ќе го замени договорот од јули во кој се очекуваше Берлин да преземе 30 отсто од акциите.
