Терористички напад бил спречен во областа Самара, кога маж (30) планирал да активира бомба во зграда во која се добивала хуманитарна помош, соопшти Федералната служба за безбедност на Русија (ФСБ), пренесува Спутник.
При акцијата за апсење експлозивната направа сама се активирала, поради што терористот бил убиен.
Немаше повредени меѓу членовите на ФСБ и цивилите.
Федералната служба за безбедност го опишува напаѓачот како соучесник на Рускиот волонтерски корпус (РДК), кој според руските власти е под покровителство на украинските специјални служби.
ФСБ додаде дека во септември минатата година бил регрутиран од украинската разузнавачка служба преку РДК и дека се согласил да организира и да врши диверзии на територијата на Русија.
При претресот во неговиот стан, откриена е лабораторија за изработка на експлозивни направи, компоненти и уште една бомба подготвена за употреба.
