Портпаролот на француската влада Оливие Веран изрази жалење поради одбивањето на некои фудбалери да облечат дрес во боите на виножитото за време на викендот од борбата против хомофобијата.
Иако огромното мнозинство на играчи од првата и втората француска лига учествуваа во овогодинешната кампања „Геј или стрејт, сите носиме ист дрес“, некои од нив ја отфрлија.
Меѓу овие играчи е и сенегалскиот дефанзивец од Генгам Донатјен Гомис, како и Египќанецот Мустафа Мохамед од Нант.
“Страшно е. Читав една статија порано во која некој, мислам тренер, рече дека хомофобијата е мислење. Не, тоа е кривично дело. Тоа е анахроно. Живееме во време во кое секој е слободен да биде што сака“, изјави Веран за Франс 2.
Тој потсети дека многу луѓе се уште страдаат поради хомофобија во секојдневниот живот и дека ресурсите како оваа кампања се добри за да се „нормализира она што е веќе нормално“.
