Француската морнарица заплени речиси пет тони кокаин на товарен брод во близина на брегот на Африка на Атлантикот, соопштија француските власти.
Запленети се точно 4.740 килограми кокаин, соопшти француската морнарица, додавајќи дека е помогната од сенегалските власти. Кокаинот е префрлен на француски воен брод и ќе биде уништен.
Воената морнарица соопшти дека операцијата е изведена благодарение на одличната соработка на домашни и странски актери во борбата против наркотиците.
