Европската унија треба да размисли за користење на профитот од замрзнатите руски средства за купување воени материјали за Украина, изјави во средата претседателката на Европската комисија Урсула фон дер Лајен.
„Време е да почнеме да зборуваме за искористување на неочекуваните пари од замрзнатите руски средства за заеднички да купуваме воена опрема за Украина“, рече таа во говорот пред Европскиот парламент, повикувајќи ја ЕУ да направи повеќе за одбранбената политика.
„Не може да има посилен симбол и поголема употреба на тие пари од тоа да се направи Украина и цела Европа побезбедно место за живеење“, нагласи таа.
Фон дер Лајен рече дека заканата од војна за ЕУ „можеби не е непосредна, но не е невозможна“.
„Ризиците од војна не треба да се преувеличуваат, туку треба да бидеме подготвени за нив, а тоа започнува со итната потреба за обновување, надополнување и модернизација на вооружените сили на земјите-членки“, рече таа.
