Словенија годинава ќе добие 100 милиони евра од Фондот за солидарност на ЕУ за санација на последиците од поплавите, а следната година уште 300 милиони за санација на последиците од неодамнешните поплави, најави претседателката на Европската комисија, Урсула фон дер Лајен. , при нејзината денешна посета на Словенија.
Словенечкиот премиер Роберт Голоб посочи дека е неопходно да се биде ефикасен во искористувањето на овие средства, пренесува словенечката агенција СТА.
„Денеска со премиерот разговаравме за триделен пакет за финансирање за итни, но и среднорочни и долгорочни потреби. Ќе бидат потребни многу инвестиции за земјата да закрепне“, рече фон дер Лајен по посетата на областите кои беа најпогодени од поплавите.
Дел од овој пакет се грантови од Фондот за солидарност на ЕУ, кои им се достапни на земјите-членки за отстранување на последиците од природни катастрофи.
„Словенија ќе има на располагање 400 милиони евра, од кои 100 милиони веќе годинава, а 300 милиони следната година“, изјави Фон дер Лајен.
Словенија сега мора да ја процени штетата и да поднесе барање за средства од солидарниот фонд, додаде таа, нагласувајќи дека е неопходна брзина.
Според неа, времето е клучно и за добивање дополнителни средства од фондот на ЕУ за закрепнување по пандемијата на Ковид-19, во која Словенија има уште 2,7 милијарди евра кредити на располагање.
Словенија треба да аплицира за дополнителни средства до крајот на август, поради што премиерот Голоб и претседателот на ЕК Фон дер Лајен се договорија за итно формирање заедничка работна група, која ќе и овозможи на Словенија да ги добие овие средства.
Голоб нагласи дека со дополнителни средства од фондот за опоравување, како и средства од кохезионата политика, ќе биде важно тие да се пренасочат кон реконструкција по поплавите.
„Ако не можеме да ги пренасочиме кон реконструкција, тие практично не ни користат“, рече Голоб.
Фон дер Лајен увери дека Брисел „ќе биде максимално флексибилен“ во овој поглед.
Albanian
English
Macedonian
Turkish
