Финска со децении се подготвува за руски напад и би пружила силен отпор доколку тоа се случи, изјави денеска предводникот на воените сили на оваа земја.
Скандинавската земја изгради голем арсенал. Но, освен воената опрема, генералот Тимо Кивинен вели дека клучниот фактор е тоа што во случај на напад, Финците би биле мотивирани да се борат.
– Најважната линија на одбрана е онаа меѓу ушите, како што докажува војната во Украина – рече Кивинен во интервјуто.
Финска двапати се бореше против Русија
Финска двапати се бореше во 1940-тите против својот источен сосед со кого ја дели границата долга 1.300 километри. Загрижена дека Русија би можела да изврши инвазија како Украина на 24 февруари, неутралната Финска поднесе барање за приклучување кон воената алијанса на НАТО.
Од Втората светска војна, Хелсинки е на високо ниво на воена готовност.
– Системски ја развивме нашата воена одбрана за овој тип на војна што се случува во Украина, со масовно користење на огнена моќ, вооружени сили и воздушни сили – рече Кивинен.
– Украина е тешка задача (за Русија), а исто така и Финска – рече тој.
100.000 Финци загинаа во војните со Русија
Околу 100.000 Финци беа убиени за време на двете војни што Финска ги водеше против Советскиот Сојуз и изгуби една десетина од својата територија.
Нацијата од 5,5 милиони има воена воена сила од околу 280.000 војници со 870.000 обучени резервисти. Воената служба за мажи не е укината како во многу други западни земји од крајот на Студената војна.
Земјата има и една од најдобрите артилерија во Европа и крстосувачки ракети со дострел до 370 километри. Таа троши 2 отсто од својот БДП-то за одбрана, што е ниво повисоко од многу земји-членки на НАТО.
Воени бродови, борбени авиони, беспилотни летала ….
Финска нарачува четири нови воени бродови, како и 64 борбени авиони Ф-35 на американскиот одбранбен гигант „Lockheed Martin“. Исто така, Финска планира да нарача до 2.000 дронови, противвоздушна опрема и да изгради огради на границата со Русија.
Околу 82 отсто од испитаниците кои одговориле на анкета за Министерството за одбрана на 18 мај изјавиле дека би биле подготвени да учествуваат во националната одбрана доколку Финска биде нападната. На напорот на Финска и на Шведска за влез во НАТО се противи Турција, членка на алијансата, а преговорите се во тек. Анкара ги обвинува Хелсинки и Стокхолм за поддршка на курдските милитанти и ембаргото за оружје на Турција.
– Членството во НАТО ќе и овозможи на Финска да ги зајакне своите способности за рано предупредување со тоа што ќе стане дел од заедничката воздушна контрола на алијансата – рече Кивинен.
Финска, исто така, ќе има корист од одвраќањето со тоа што ќе биде дел од сојузот во кој нападот врз една членка е напад врз сите, рече тој, заклучувајќи: „Во секој случај, Финска ќе продолжи да ја носи главната одговорност за одбраната на земјата“.
