„The Eras Tour Concert Film“ на Тејлор Свифт доминираше во американските кина во текот на викендот, земајќи помеѓу 95 и 97 милиони долари од продажбата на билети во САД и Канада, според неделната проценка на кино-дистрибутерот AMC Theaters.Најочекуваниот филм годинава постави рекорд за концертен филм, надминувајќи ги 29,5 милиони долари што ги заработи „Џастин Бибер: Никогаш не кажувај никогаш“ на Џастин Бибер во првите три дена во 2011 година.
Конечните податоци за заработката од викендот ќе бидат објавени во понеделник.
Доколку стојат сегашните проценки, филмот на Тејлор Свифт сепак нема да ги исполни најоптималните проекции на аналитичарите на кино благајните.
Тие прогнозираат дека на домашниот пазар заработката за време на викендот ќе биде меѓу 100 и 140 милиони долари.
Пејачката во средата рече дека додава повеќе термини за прикажување и рани проекции за да го задоволи интересот на публиката.
