Јас само се обидував да спречам туканица и без никаква причина полицаецот ме удри со пендрек во главата, изјави ракометарот Филип Талески за Канал 5, коментирајќи го саботниот инцидент по ракометниот натпревар Вардар-Пелистер.
– Очигледно беше дека полицаецот тргна со намера да удира, ако не бев јас тогаш сигурно пендракот ќе завршеше во нечија друга глава – изјави Талески.
Ракометарот има и медицински извештај за повредата која му ја нанел полицаецот и вели дека за среќа нема посериозни повреди и дека ударот со кој се здобил бил во лице.
По инцидентот Талески бил повикан на распит во полициска станица, а во консултација со адвокат вели дека размислува и да поднесе тужба против полицискиот службеник.
