Европската комисија предложи да се укинат визите за граѓаните на Косово чии пасоши ги издава Дирекцијата за координација на Министерството за внатрешни работи на Република Србија.
Европската комисија му предложи на Европскиот парламент Регулативата на ЕУ 2018/1806, со цел имателите на српски пасоши од Косово, издадени од Дирекцијата за координација на Министерството за внатрешни работи на Србија, да бидат ослободени од барањето да имаат виза при преминување на надворешните граници на членките на Унијата, за престој не подолг од 90 дена во кој било период од 180 дена.
Со оглед на тоа што визната либерализација за граѓаните на Косово стапува на сила од 1 јануари 2024 година, Европската комисија смета дека причините за исклучување на имателите на српски пасоши издадени од Дирекцијата за координација на МУП на Србија веќе не постојат, односно дека сите граѓани на регионот на Западен Балкан треба да има придобивки од безвизното патување во земјите од Шенген.
Претседателот на Србија, Александар Вучиќ, во април, говорејќи за визната либерализација за граѓаните на Косово, изјави дека верува оти до Нова година ќе се реши проблемот на Србите од Косово кои не сакаат да земат приштински пасош.
