Јужна и источна Европа ги зафати нов топлотен бран кој се очекува да се прошири и во Западна Европа. Како што се наведува, топлотниот бран ќе биде краток, но интензивен.
Температурите во последните денови од јули ќе бидат значително надпросечни низ Европа, особено во западниот дел.
Шпанија и Португалија го достигнаа врвот во средината на неделата со температури над 45 степени. Алжир и Мароко, исто така, забележаа неколку дневни рекорди кога се во прашање температурите.
Рекордно висока температура е забележана во Порталегре, Португалија, каде ноќните температури не биле пониски од 28,6 степени.
По среда, најтоплата воздушна маса постепено ќе се намалува бидејќи најверојатно повторно ќе се развие подинамична временска шема во западна Европа.
Кога станува збор за Балканот, како што наведуваат од Силно време, се очекува топлотниот бран над Медитеранот и Балканскиот Полуостров да продолжи до крајот на јули и да се прошири до почетокот на август.
Тешко време
Според најавите, предвидените температури од недела до петок следната недела навестуваат дека во делови од Италија, југоцентрален Балкан и Панонската рамнина ќе има температури од 30 до 40 степени.
Во август во јужниот дел на Европа не се предвидуваат значителни температурни промени, па топлотниот бран може да трае до средината на август.
