Премиерлигата предложи казна со одземање на дури 12 бода на Евертон поради кршење на правилата за профит и одржливост, објавија денеска британските медиуми.
Одлуката за овој случај се очекува на крајот на годината, а доколку се докажат прекршоците кои му се ставаат на товар на Евертон, карамелените ги чека многу сериозна казна.
Премиерлигата предложи казна одземање дури 12 бода, што е максимална казна.
Случајот моментално е пред независна комисија, а е покренат поради рекордните загуби на клубот во изминатите три години – дури 371,8 милиони фунти, што за 105 милиони ги надминува границите поставени од Премиер лигата. За казната ќе одлучува истата комисија.
Од Евертон изјавија дека строго ги почитувале сите правила и дека на секој можен начин ќе ја бранат својата позиција и не потсетуваат на исклучоците од правилата кои важеа поради пандемијата на коронавирус.
Во случај Евертон да биде казнет, одземањето бодови ќе биде само една од многуте казни што ги очекуваат „карамелите“. Евертон може да се соочи и со забрана за трансфери и низа други казни, а се очекува Премиер лигата да ги бара сите останати достапни казни.
Ваквиот однос на премиерлигашот може да предизвика паника и во Манчестер Сити, против кого на почетокот на годината беше покрената истрага за прекршување на 115 правила во период од 14 сезони, а исходот е очекуван и во овој случај.
Соопштението на Премиер лигата за покренување истрага уште во март е единственото што го објави лигата за овој случај, која потоа најави дека нема да има дополнителни коментари до завршување на истрагата.
