Словенечкиот кошаркар Лука Дончиќ следното лето ќе потпише нов петгодишен договор со Далас вреден 346 милиони долари и ќе стане првиот играч во историјата со плата од 70 милиони по сезона, пренесува ESPN.
Според информациите, Дончиќ моментално одработува седумгодишен договор вреден 40 милиони по сезона, а ги исполнил сите потребни предуслови за продолжување – одигра најмалку 65 натпревари и влезе во потесниот круг за МВП наградата.
Словенецот оваа сезона има просек од 34 поени, 9,1 скока и 9,8 асистенции.
Во моментов највреден договор во НБА е оној на Џејлен Браун со Бостон вреден 304 милиони или 60,8 милиони долари годишно.
По него следуваат Никола Јокиќ (54,4 милиони долари годишно), Бредли Бил (50,2 милиони), Јанис Адетокумбо (45,6 милиони).
