Ново истражување откри кои пејачи и кои песни луѓето најмногу ги слушаат за време на сексот. Студијата спроведена од ZipHealth во која се анкетирани 1.004 Американци, покажа дека The Weeknd е најчестиот изведувач кој се појавува како музичка позадина за време на сексот. Иако The Weeknd отпеа три од петте најпопуларни песни за секс (The Hills, Often и Call Out My Name), првото место и припадна на Ники Минаж и нејзиниот хит од 2022 година Super Freaky Girl.
Други песни на топ десет листата се Earned It (The Weeknd), Closer (Nine Inch Nails), Love Is A Bitch и I Feel Like I’m Drowning (Two Feet), Or Nah (Ремикс) (Ty Dolla $ign, The Weeknd, Wiz Khalifa и DJ Mustard) и Birthday Sex (Jeremih).
The Weeknd го зазеде првото место за најпопуларни изведувачи кои се наоѓаат на плејлистите за секс, а потоа следуваат Канје Вест, Дефтонес, Дрејк, Лана Дел Реј, Кендрик Ламар, Тајлер, Креаторот, Ријана, Тејлор Свифт и Доја Кат.
Студијата, исто така, по жанрови ја рангира музиката за секс, при што поп музиката е прогласена за „најсекси“ жанр, а потоа следуваат R&B и хип-хопот.
Други заклучоци од студијата се дека сексот трае најдолго со хип-хоп, а дека најкратко трае со електронската музика (ЕДМ), а најголемото откритие е дека „луѓето кои рекле дека слушаат музика за време на сексот генерално биле позадоволни од својот сексуален живот и имал секс почесто од оние кои немале музичка позадина“.
