Многу перници со жолти дамки предизвикуваат главоболка бидејќи често е многу тешко да се ослободите од нив, а трикот за нивно лесно отстранување го открила една инфлуенсерка која работи под името г-ѓа Хинч, позната и како „кралица на чистењето“. Таа во својата група на Фејсбук напиша како перниците повторно да изгледаат како нови, пренесува Експрес.
Една обожавателка се пожали дека навлаките за перници на нејзиниот сопруг се секогаш жолти и покрај тоа што ги мие секоја недела и побара совети како да ја врати нивната белина. Набрзо добила одговор од г-ѓа Хинч, која и напишала дека тајната на чисто бели навлаки за перници е во таблетите за машина за миење садови. Само треба да ги ставите таблетите или капсулите за машината за миење садови во барабанот на машината за перење, заедно со сето она што вообичаено го користите за перење, и тоа е тоа.
Многу корисници се согласиле дека овој трик навистина помага, а една корисничка напишала дека перниците најверојатно сепак ќе пожолтат поради маслото или хидратантниот крем што го користи нејзиниот сопруг, па затоа треба да внимава на тоа.
„Ова се случува поради лојот што го лачи кожата, а нормалното миење не ја отстранува целата таа маст од навлаката за перница“, додаде таа. Некои корисници на групата напишале дека за избелување можете да користите и кристали од сода, а најдобро е да ги оставите навлаките за перници да се исушат надвор на сонце, пишува Вечерњи лист.
