Ердоган на профил на социјалните мрежи рече дека Народната алијанса предводена од владејачката Партија на правдата и развојот (АК Партија) го поминала првиот тест од најважните избори во Турција со чиста совест.
Турскиот претседател Реџеп Таип Ердоган изјави во пресрет на вториот круг од претседателските избори дека Народната алијанса ја става националната волја и љубовта за служење на земјата во фокусот на својата политика, јавува Анадолија.
Тој нагласи дека Народниот сојуз се бори со срце и душа, без провокации, игнорирање на притисоци, заплашувања и без откажување пред тешкотиите.
„Им благодарам на сите за нивниот труд, заложби и пожртвуваност. Илјада пати му благодарам на Бога што ми даде другари како тебе. Сега е време да го крунисаме успехот што го постигнавме на 14 мај со уште поголема победа. Вториот круг од изборите ќе се одржи на 28 мај. Ние сме Алијанса која во фокусот на својата политика ја става националната волја и љубов за служење на државата и нацијата. Долгот на благодарност кон нашата нација, што ни ја покажува нејзината доверба, можеме да го вратиме само со уште повеќе напорна работа и посветеност“, рече Ердоган и додаде: „Турција од нас очекува акција, нашата нација очекува да ги исполниме нашите цели. Жртвите од земјотресот чекаат да им ги залечиме раните што поскоро. Веќе почнавме да се подготвуваме за изборите што ќе се одржат на 28 мај. Со Алахова помош 28 мај ќе го направиме предвесник на векот на Турција. Имаме доверба во вас“.
Граѓаните на Турција во неделата го избраа претседателот и новото свикување на парламентот.
На претседателските избори ниту еден кандидат не освои мнозинство гласови, па така актуелниот турски претседател Реџеп Таип Ердоган кој во првиот круг освои 49,5 отсто од гласовите и лидерот на турската опозиција Кемал Киличдароглу кој е во првиот круг , ќе оди во новата изборна трка на 28 мај доби 44,89 отсто од гласовите.
