Турскиот претседател Реџеп Таип Ердоган, во понеделникот, во неочекуван потег, рече дека Европската унија треба да го отвори патот за пристапување на Анкара во блокот пред турскиот парламент да ја одобри кандидатурата на Шведска за приклучување кон воената алијанса НАТО, јавува Ројтерс.
– Ги повикувам оттука овие земји кои ја тераат Турција да чека пред вратата на Европската унија повеќе од 50 години – рече Ердоган, говорејќи пред неговото заминување на самитот на НАТО во Вилнус .
– Прво, дојдете и отворете го патот за Турција во Европската унија, а потоа ќе го отвориме патот за Шведска, исто како што направивме за Финска – рече тој, додавајќи дека ќе го повтори својот повик за време на самитот.
Обидот на Турција за влез во ЕУ беше замрзнат со години по започнувањето на преговорите за членство во 2005 година во првиот мандат на Ердоган како премиер.
Запрашан за коментарите на Ердоган, генералниот секретар на НАТО, Јенс Столтенберг, рече додека го поддржува членството на Анкара во ЕУ и декашто се однесува до него, Шведска веќе ги исполнила условите потребни за влез во НАТО.
