Поради арктичкиот студ што вчера зафати поголем дел од САД, повеќе од 800.000 луѓе останаа без струја, најмалку 16 лица загинаа во сообраќајни несреќи, а илјадници останаа заробени поради откажани летови.
Екстремно ниските температури во досега најстудената Бадник извршија голем притисок врз енергетските системи низ земјата поради големата побарувачка за греење и оштетувањето на линиите за снабдување предизвикани од невремето.
Овие нарушувања ги превртеа празничните навики и плановите на милиони Американци за време на најпрометниот период на патување во годината.
Минеаполис беше најстудената точка во Америка во саботата, каде беа измерени минус 21 степен. На божиќното утро најстудено место ќе биде Фарго, Северна Дакота, со температури близу минус 30.
Подобро од вторник
Временските услови ќе бидат умерени од вторник од запад кон исток на Америка, во висорамнините и центарот на САД, но источниот брег ќе се загрее до четврток или петок.
Минус 21 степен во Минеаполис
Повеќе од 2.500 летови беа откажани во саботата, по 5.000 во петокот, според системот за следење летови FlightAware.
Најмалку 16 лица загинаа во сообраќајни несреќи предизвикани од временските неприлики, а стотици останаа заробени на замрзнати и завеани патишта, јавуваат медиумите.
Екстремните временски услови ги принудија властите ширум земјата да отворат центри за затоплување во библиотеките и полициските станици за да ги заштитат бездомниците.
Државниот метеоролошки завод објави дека неговата карта на сегашни и идни метеоролошки опасности има „најмногу предупредувања за зимски услови досега“.
