Во експлозија во рудник за јаглен во југозападен Пакистан загинаа 12 рудари, додека осуммина беа спасени, соопштија официјални лица.
Телата на сите загинати се пронајдени по експлозијата во рудникот во провинцијата Балучистан.
Истрагата за причините за експлозијата е во тек.
Правилата за здравје и безбедност при работа не се почитуваат строго во рударската индустрија во Пакистан, што доведува до несреќи и експлозии во кои секоја година умираат десетици рудари.
Рударите често се жалат дека сопствениците на рудниците не ја поставуваат потребната безбедносна опрема.
