Група од 180 експерти за технологија и приватност објави отворено писмо во вторник наутро во кое повикува на забрана за употреба на технологија за препознавање лице.
Писмото е објавено од коалиција од 120 невладини организации, со поддршка од 60 експерти, и ги повикува „полицијата, другите државни органи и приватните компании веднаш да престанат со секаква употреба на технологијата за препознавање лица на јавни простори и нејзината употреба во контекстот на миграција или азил“.
„Имаме цела низа грижи за надзорот со препознавање лице, од неговата некомпатибилност со човековите права, до можноста за дискриминаторско влијание, недостаток на заштитни мерки, недостаток на база на докази, недокажан случај на неопходност или пропорционалност, недостаток на доволна правна основа, недостаток на законодавен надзор и недостаток на демократски мандат“, се наведува во писмото.
Ова е дел од кампањата на експерти за технологија и интернет приватност против технологијата за препознавање лица, во моментот на финалните преговори за финалната верзија на текстот на Законот на ЕУ за вештачка интелигенција.
Како што пренесува „Политико“, претставниците на Европскиот парламент, Комисијата на ЕУ и владите на земјите-членки на ЕУ треба да ја одржат третата рунда преговори за тој закон од 2 до 3 октомври.
