Едно лице загина, а 13 се ранети во петокот во руски напад врз градот Покровск во областа Доњецк во источна Украина, соопштија украинските власти.
Службите за итни случаи во соопштението наведуваат дека во нападот биле оштетени две административни згради, а три лица се спасени од урнатините.
Според прелиминарните информации, Русија го нападнала градот со две ракети Искандер-М, соопшти украинското Министерство за внатрешни работи.
Фотографиите објавени од министерството на апликацијата за пораки Телеграм покажуваат спасувачи и делумно уништена зграда.
Ројтерс не можеше самостојно да ја потврди информацијата, а немаше никаков коментар од руската страна.
