Само горниот дом на швајцарскиот парламент треба да го одобри предлог-законот и полжавите ќе бидат признати како домашни животни во оваа земја. Со ова нивното одгледување, кое според предлагачите е еколошки одржлива дејност, ќе се класифицира како земјоделска индустрија.
Во Швајцарија размислуваат да ги признаат полжавите како домашни животни. Пред неколку дена Долниот дом на швајцарскиот парламент веќе ја поддржа оваа иницијатива со големо мнозинство гласови, а сега на потег е горниот дом.
Долниот дом на парламентот во вторникот го поддржа предлогот полжавите да се признаат како корисни фармерски животни со 146 гласови против, 31 против. Сега Горниот дом, кој ги претставува швајцарските кантони, мора да го даде своето мислење, пренесува германската новинска агенција dpa.
Ова е неопходно за одгледувањето полжави да стане земјоделска индустрија и да се дозволи изградба на инфраструктура за одгледување полжави во земјоделските површини, тврди предлагачот, пратеникот на социјалдемократите Бруно Сторни. Тој е убеден дека одгледувањето полжави е чиста и еколошки одржлива гранка на земјоделството која цвета низ целиот свет.
Во соседна Италија, на пример, за пет години одгледувањето полжави е тројно зголемено, а продажбата е зголемена за 350 милиони евра, јавуваат швајцарските медиуми.
