Граѓаните на Швајцарија треба да размислуваат да имаат свеќи во домот во случај на неколкучасовен прекин на струја, вели шефот на енергетскиот регулатор (Елком) Вернер Лугинбил за „Noe Züricher Zeitung“ (NZ Z).
Во Швајцарија уште од есента се подготвуваат за хаос во врска со струјата, па на граѓаните им велат дека во зима мора да очекуваат, во најлош случај, прекин на струјата.
– Ве советувам да имате доволно свеќи во домот. Кој има шпорет на дрва, треба да има доволно дрва – рече тој.
Тој посочи дека политиката на предупредување на „Елком“ не се сфаќала сериозно во изминатите години.
Доколку дојде до недостиг од струја, швајцарските власти подготвија мерки, како што се намалување на уличното осветлување, исклучување на осветлувањето на излозите, како и осветлени реклами.
Се размислува и за воведување забрана за употреба на уреди за правење снег, како и за продажба на електрични греалки.
