Една нова студија покажа дека премалку или премногу сон може значително да влијае на нашето здравје, што нè прави поподложни на инфекции. Покрај бројот на часови што спиеме, важен е и квалитетот на сонот. Експертите препорачуваат поединците да се фокусираат на правилна хигиена на спиење за да го оптимизираат квалитетот и квантитетот на спиењето.
На имунолошкиот систем директно влијае колку часови спиеме во текот на ноќта, како и квалитетот на сонот. Спиењето всушност може позитивно или негативно да влијае на ризикот од срцев удар, дебелина, дијабетес и когнитивно оштетување, пренесува Health.
Истражувачите сè уште собираат податоци за тоа како нашите навики за спиење директно влијаат на функционирањето на различни телесни системи. Лекарот и невролог Виџај Раманан истакнува дека квалитетот на сонот влијае на цитокините – вид на протеин кој има моќ да го стимулира или успорува имунолошкиот систем – што може да објасни како спиењето може да се поврзе со ризикот од инфекција.
Раманан додава дека постои можност луѓето кои спијат премалку или премногу да се генерално со лоша здравствена состојба и затоа се изложени на поголем ризик од инфекција. Сепак, тој ја нагласува и важноста од квалитетен сон.
„Постојат многу добри причини да се гледа сонот како модифициран фактор кој може да го подобри целокупното здравје и можеби дури и да го ограничи ризикот од вирусни и други инфекции“, објасни неврологот.
Квалитетот на спиењето е клучен
Во најновата студија, норвешките истражувачи регрутирале студенти по медицина да ги испитуваат пациентите во чекалните на општите лекари. Истражувачкиот тим сакаше да се фокусира на луѓето кои бараат примарна здравствена заштита, бидејќи е познато дека оваа популација има повисоки стапки на проблеми со спиењето.
Студијата опфатила речиси 1.850 луѓе. Истражувачите откриле дека пациентите со несоница имаат 15% поголема веројатност да пријават инфекција и речиси 50% поголема веројатност да им се препише антибиотик.
Спротивно на тоа, оние кои спиеле помалку од 6 часа имале речиси 30% поголема веројатност да пријават инфекција и речиси 60% поголема веројатност да им бил препишан антибиотик во изминатите три месеци, во споредба со оние кои пријавиле дека спијат 7-8 часа.
Истражувачите, исто така, забележаа дека помеѓу седум и осум часа сон е идеална количина за повеќето возрасни.
Откриено е дека премногу сон е поврзан со негативните здравствени ефекти. Оние кои изјавиле дека спијат повеќе од 9 часа имале 44% поголема веројатност да имаат инфекција во споредба со оние кои спиеле 7-8 часа.
Сè уште не е целосно јасно дали шемите на спиење предвидуваат инфекција или не, но тие можат да бидат показател за лошо здравје.
„Веројатно објаснување може да биде дека инфекцијата доведува до нарушувања на спиењето или зголемена поспаност, или дека и спиењето и ризикот од инфекција се поврзани со основната болест“, истакна д-р Ингеборг Фортун, кој исто така е коавтор на проучување.
Колку сон ни треба?
Се проценува дека на возрасните им требаат помеѓу 7 и 8 часа сон секоја вечер, додека на децата и тинејџерите им треба нешто повеќе, обично помеѓу 10 и 12 часа.
Акцентот треба да биде ставен и на квалитетот на сонот – човек кој спиел осум часа, сепак може да биде уморен ако спиел лошо. Она што може да доведе до слаб квалитет на сон се апнеја при спиење, станување во текот на ноќта за да одите во тоалет, стрес, анксиозност…
За да се подобри квалитетот на сонот, д-р Фортун ги советуваше луѓето да се фокусираат на добрата хигиена на спиењето. Тој препорача да се внимава и на начинот на кој одите на спиење и на начинот на кој се будите.
Добрата хигиена на спиење значи исклучување на уредите пред спиење, фокусирање на вашата редовна рутина пред спиење, исклучување на светлата, подигнување на ролетните во текот на денот и користење на уред за „бел шум“ може да помогне.
Понатаму, пожелно е да вежбате или да јадете веднаш пред да одите на краури. Постојаното одење во кревет и будењето во приближно исто време секој ден е исто така составен дел од добрата хигиена на спиењето.
