Анемијата најчесто е предизвикана од недостаток на железо, а како што пишува Times of India, овој тип на анемија се јавува кога има недостаток на црвени крвни зрнца во нашето тело.
Иако постојат неколку знаци кои можат да укажат дека имаме анемија, еден феномен се уште е непознат за многу луѓе. Станува збор за испукани усни.
Како што објаснуваат лекарите, испуканите усни може да бидат еден од најраните симптоми на анемија, иако многу луѓе не се свесни за тоа. Имено, пукањето најчесто ги погодува самите агли на усните, а заболените потоа често погрешно мислат дека причината е ненадејна промена на времето, ветер или некоја друга појава која не е поврзана со анемија.
Дополнително, на недостаток на железо може да укажуваат и многу други симптоми како што се хроничен замор, проблеми со дишењето или отежнато дишење, главоболка, болка во градите, заматен вид и грчеви во нозете.
