Татко (59) и син (2) се пронајдени мртви во стан во градот Женева во американската држава Њујорк.
Властите велат дека момчето умрело од глад откако неговиот татко починал. Дејвид Конде Постариот (59) и Дејвид Конде Помладиот (2) беа пронајдени мртви на 15 февруари. Таткото починал од „кардиоваскуларни болести“, се вели во соопштението на шерифот на округот Онтарио. Сепак, причината за смртта на бебето е глад.
„Се верува дека г-дин Конде прв починал, а детето не можело да прими храна откако неговиот татко починал“, се заклучува во соопштението.
Последен пат биле видени живи на 22 јануари, а властите велат дека нема знаци на насилна смрт.
