Две лица загинаа, а тројца се тешко повредени откако возило излетало од регионалниот пат Крушево-Кривогаштани вчера попладне, соопшти полицијата.
На 02.08.2023 во 17 часот било пријавено дека на регионалниот пат Крушево-Кривогаштани, на место викано „Студена вода“, патничко возило „алфа ромео“ со прилепски регистарски ознаки, управувано од С.С.(35) од селото Канатларци, Прилепско, излетало надвор од коловозот.
По несреќата во Општата болница Прилеп биле пренесени сопатниците Џ.С. (33) од Канатларци, која во болницата им подлегнала на повредите, и малолетен сопатник кој бил препратен во Комплекс клиники „Мајка Тереза“, но при транспортот починал, а смрт констатирал лекар.
Со тешки телесни повреди се здобиле возачот и уште двајца малолетни сопатници.
