Две лица се приведени и за нив се бара притвор како осомничени дека учествувале во грабнувањето на Самоил Костадиновски, внук на Љубе Бошкоски, дознава Макфакс од извори во Кривичниот суд.
Се чека судија да одлучи дали ќе им определи 48-часовен притвор како што побарал обвинителот кој го води случајот.
МВР во дневниот билтен на 5 март објави дека е исчезнато 26-годишно лице.
„На 04.03.2023 во 08.00 часот во СВР Скопје, М.К.(32) од Скопје пријавил дека од домот се оддалечил неговиот брат С.К.(26). Се преземаат мерки за пронаоѓање на лицето“, информира МВР.
Исчезнувањето на момчето го пријавил неговиот брат. Се стравува дека 26-годишникот е киднапиран, затоа што излегол од дома, наводно го викнале накај Кисела Вода или Драчево и потоа му се губи трагата.
На социјалните мрежи беше објавен апел за помош од граѓаните, а според нив, Костадиновски бил киднапиран во близина на Чешката амбасада, објава која набрзо беше повлечена.
