Дали се разбудивте со лош мамурлак кој ви го уништи саботното утро? Имате среќа, бидејќи според NY Post, решението можеби се крие на полицата на самопослуга.
Според еден експерт, комбуха и кимчи се клучот за справување со силните главоболки и утринските мачнини по излегувањето во градот.
Ферментираните производи промовираат подобро здравје на цревата поради нивната содржина на пробиотик.
„Одржувањето добро здравје на цревата може да ја зајакне функцијата на цревната бариера, така што е помалку засегната од алкохолот, познат цревно надразнувач кој може да влијае на цревната подвижност, пропустливоста и апсорпцијата на хранливи материи“, рече регистрираната нутриционистка Луси Керисон за NY Post.
Поради дехидрирачкото дејство на алкохолот, мамурлакот често поттикнува консумација на солени, масни грицки богати со јаглехидрати, додаде таа.
Според тоа, солта помага да се задржи водата.
„Ферментираната храна која е богата со сол, како што се кимчи и кисела зелка, може да биде корисна“, објасни таа. „Тие исто така содржат живи бактерии кои можат позитивно да влијаат на нашиот цревен микробиом, нешто што може да се оштети со прекумерно консумирање алкохол“, додаде таа.
Но, здравиот дигестивен тракт не е единствената придобивка од комбухата – се верува дека овој ферментиран пијалок помага да се контролира нивото на шеќер во крвта и да се ублажат симптомите на синдромот на нервозно дебело црево.
„Поголемиот дел од алкохолот ќе се апсорбира во горниот дел на цревата, па освен ако не пиете прекумерно, многу малку ќе стигне до дебелото црево каде што живеат повеќето бактерии“, вели регистрираниот нутриционист Др. Дуан Мелор, кој советуваше дека најдобриот лек за мамурлакот е да се ограничи потрошувачката на алкохол.
Имено, прекумерното консумирање алкохол не само што остава мамурлак со силна мигрена и гадење следното утро, туку алкохолот се поврзува и со низа здравствени последици, како што се болести на црниот дроб и рак.
