Актерските мегаѕвезди Бред Пит (59) и Џорџ Клуни (61) повторно работат заедно – видени се во Њујорк, на снимањето на новиот трилер на Епл „Волци“, кој почна да се снима во Харлем, пишува „Дејли мејл“.
Двајцата најубави мажи на светот се најдоа заедно и претпоставуваме дека обожавателите тоа едвај го чекале.
Холивудските шмекери како претхнод да се договориле за истиот стајлинг, појавувајќи се во слични црни кожени јакни, сиви панталони и црни чевли. Овие двајца шармери биле во одлично расположение и покрај студеното време во Харлем.
Бред изгледа одлично н во црна кожена јакна под која носи сива јакна и бела кошула, комплетирајќи го изгледот со сиви панталони и црни кожени чевли. Изданието на Џорџ е многу слично, освен што носи црна кошула со повисока јака.
Актерите се фотографирани како одлично се забавуваат на снимањето на филмот, а се и долгогодишни пријатели. Последен пат заедно беа видени на филмското платно во „Oceans 11“ и „Burn after reading“.
Филмот кој во моментот се снима, зборува за двајца осаменици кои добиваат иста работа, а е трилер.
И Пит и Клуни се поврзани со Епл од септември 2021 година, кога компанијата победи на тендерот за проект кој повторно ги обединува двајцата филмски великани.
И двајцата актери се вбројуваат во листите на најубави и најсекси мажи, а бидејќи се одлични пријатели знаат да се пошегуваат на тоа. Кога Бред во едно неодамнешно интервју го нарече Џорџ „еден од најжешките живи мажи“, Клуни коментираше: „Тој е во право за тоа. Ајде да се разбереме, тој е во право“.
ФОТО: Инстаграм
