Вчера во 17.00 часот на Граничниот премин Долно Блаце, полициски службеници ги уапсиле А.М.(22) од Република Албанија и В.С.(21) од Сојузна Република Германија.
При гранична контрола било констатирано дека возилото „мерцедес“ со германски национални ознаки, кое го управувал А.М., а сопатничка била В.С., било евидентирано во базата на Интерпол како украдено.
Од МВР велат дека лицата биле задржани во полициска станица, а возилото било одземено за понатамошна постапка. По целосно документирање на случајот ќе биде поднесена соодветна пријава.
