Двајца од повредените во несреќата кај Катланово се хоспитализирани на КАРИЛ се во критична состојба и се борат за живот

Двајца од повредените во несреќата кај Катланово се хоспитализирани на КАРИЛ се во критична состојба и се борат за живот. Други двајца се со сериозни повреди, а петтиот повреден, хоспитализиран во „Св. Наум Охридски“, е во стабилна состојба и ќе биде опериран на колкот во наредните денови.

Лекарските тимови неуморно се борат за животите на повредените, давајќи им интензивна нега и третман.

Според директорката на КАРИЛ, д-р Марија Срцева, повредените се здобиле со тешки телесни повреди и двајца од нив веднаш биле оперирани. Лекарските тимови, кои биле зајакнати уште синоќа, неуморно работат на нивното спасување.

• ТРОЈЦА ЗАГИНАТИ ПРИ ПРЕВРТУВАЊЕ НА ПАТНИЧКО КОМБЕ! Во страшната несреќа кај Катланово се повредени 5 лица кои завршиле во болница

– Пациентите се во интензивна нега и им се пружа соодветен третман. Двајца се во критична состојба, додека двајца други се стабилни и исто така подложени на интензивна грижа – истакна д-р Срцева.

Во Градската општа болница „Св. Наум Охридски“ е хоспитализиран петтиот повреден, кој, според директорот на болницата, д-р Небојша Настов, се наоѓа во стабилна состојба.

– Пациентот беше примен со повреда на десниот колк, и по првата интервенција, неговата состојба е стабилна. Операцијата на колкот е закажана за понеделник – информираше д-р Настов.

• СТРАШНА НЕСРЕЌА НА АВТОПАТОТ! БРЗАТА ПОМОШ ВЕЌЕ Е НА ПАТ! Сообраќајот е блокиран на делницата Скопје – Велес

Патниците биле работници од Велес, кои работеле во Скопје и патувале со организиран превоз од фирмата во која работеле.

„На 16.10.2024 во СВР Скопје било пријавено дека во 17.35 часот на автопатот Скопје – Велес, пред тунелот кај Катланово, патничко возило ‘форд транзит‘ со скопски регистарски ознаки, управувано од О. Д. (32) од Велес, излетало од патот и се превртело. Од здобиените повреди на местото на несреќата починале сопатниците А. Н. (37), Ј. А. (47) и Д. Ц. (66), сите од Велес, а смрт констатирал лекар од итна медицинска помош. Со тешки телесни повреди се здобил возачот О. Д. и сопатниците З. С. (59), В. З.(67), Н. Н. (33) и Б. П. (41), сите од Велес, кои биле пренесени во Градската општа болница ‘Св.Наум Охридски’ во Скопје и Комплексот клиники ‘Мајка Тереза’ во Скопје“, велат од Министерството за внатрешни работи (МВР).

• ЌЕ СЕ ВЕШТАЧИ КОМБЕТО КОЕ СЕ ПРЕВРТЕ ВО КАТЛАНОВО Загинатите биле работници од Велес кои се враќале од Скопје

Полицијата и надлежните органи спроведуваат истрага за причините на оваа трагедија.

• ЗНАМИЊАТА НА ПОЛОВИНА КОПЈЕ, ТИШИНА ВО КАФЕАНИТЕ Ден на жалост во Велес поради тројцата загинати во сообраќајка

Општина Велес за утре прогласи ден на жалост поради трагичната смрт на тројцата сограѓани во тешката сообраќајна несреќа.