Дваесеттина лица се повредени вечерва во судир на патнички и товарен воз во Србија, соопшти српското Министерство за внатрешни работи.
По судирот патничкиот воз излетал од шините.
Повредените, како што наведуваат од полицијата, се транспортираат во Здравствениот дом и во болницата во Сомбор.
Според првичните сознанија, и патничкиот и товарниот воз сообраќале од Нови Сад кон Богојево, а до судирот дошло кога патничкиот воз го престигнал товарниот воз и удрил во задниот вагон на товарниот воз.
Железничката комисија за истрага на вонредни настани, која ја сочинуваат екипите на компанијата „Србијавоз“ и „Инфраструктура на железници на Србија“, веднаш излегла на местото на несреќата и потврдија дека причината за несреќата е човечки фактор.
