Претседателот на Албанија, Бајрам Бегај, на британската ѕвезда со албанско потекло Дуа Липа ѝ врачи албанско државјанство поради, како што рече, улогата на овој уметничка во ширењето на сликата на Албанците на меѓународно ниво преку музиката.
Бегај рекол дека Липа добила државјанство во пресрет на 110-годишнината од независноста на Албанија од Отоманската империја и дека тоа го смета за чест бидејќи Липа ги прославила Албанците низ светот.
За неа и нејзиното семејство бил организиран прием во резиденцијата на претседателот на Албанија.
„Ќе бидам Албанка и на хартија“, рекла Липа пред да даде заклетва за државјанство во градското собрание во Тирана.
Липа е родена во Лондон во 1995 година од родители имигранти Албанци Анеса и Дукаѓин Липа од Косово.
На Липа, која почнала да пее на петгодишна возраст, музички ѝ влијаел нејзиниот татко, поранешен пејач и гитарист на рок група. Своите песни на Јутјуб почнала да ги прикачува кога имала 14 години.
Нејзиниот прв деби студиски албум беше објавен во 2017 година. Во 2019 година, таа освои Греми за најдобар нов изведувач.
ФОТО: Инстаграм
