Драматични, тектонски поместувања на цените и сумите на берзите предизвика војната во Украина, со што кризата се пренесува на европско тло. Еврото падна под 1,1, долари, што е историски најниско, европските банки досега имаат загуба од 20 отсто во своите акции, а руската рубља „се спушти“ за 30 отсто.
Цените растат. Нафтата е најскапа од 2008 година наваму, гасот за европските земји поскапе за неверојатни 102 отсто. Пченицата, која во светот најмногу ја извезуваат Украина и Русија скокна за речиси 40 отсто.
Еврото со рекорден падна
Еврото падна под 1,10 долари во петокот за првпат по речиси две години, откако се намали за над 3 отсто во однос на доларот минатата недела – најголем неделен пад од март 2020 година. Валутата на Еврозоната имаше уште поголеми загуби во однос на швајцарскиот франк – за речиси 4 отсто во текот на неделата во најголемиот таков пад од јануари 2015 година, кога Швајцарија се откажа од тригодишното ограничување на франкот во однос на еврото.
Европските банки имаат загуба од 20 отсто
Потреси има и кај европските банки. Индексот на европските банкарски акции падна за околу 16 отсто, што е најлошата недела од март 2020 година, со што загубите од годината до денес достигнаа 20 отсто. Акциите на заемодавците изложени на Русија, како што се австрискиот „Рајфајзен“ и францускиот „Сокген“ паднаа околу една третина во текот на неделата.
Се качија пченицата и металите
Цените на пченицата и продукти од неа до различни метали се искачија на највисоко ниво во изминатите неколку години бидејќи западните санкции ги прекинаа воздушните и поморските испораки на стоки произведени и извезени од Русија. Русија и Украина се два од најголемите светски извозници на пченица, кои достигнаа 14-годишен врв во петокот, добивајќи „плус“ речиси 40 отсто откако Русија ја нападна Украина на 24 февруари.
Русија е исто така снабдувач на метали. Алуминиумот достигна рекордно високо ниво во петокот, додека бакарот, каде земјата испорачува 3,5 отсто од светските резерви, исто така е на врвот на сите времиња.
Рубљата падна за 30 отсто, најниско во историјата
Вредноста на руската рубља падна за повеќе од 30 отсто во офшор трговијата – најлошата недела во историјата – и околу 20 отсто во трговијата во Москва. Разликата меѓу копнената и офшор трговијата илустрира колку Русија стана исклучена од глобалните финансиски пазари по строгите санкции и контрамерки.
Суровата нафта скокна за 21 отсто, се избегнува руската
Цените на суровата нафта „брент“ се зголемија за уште 21 отсто во текот на неделата, затворајќи се на највисоко ниво од 2013 година, при што купувачите и испраќачите сѐ повеќе ги избегнуваат залихите на руска нафта, кои вкупно достигнуваат пет милиони барели дневно. Ниту можноста еден милион барели на ден иранска сурова нафта да дојде во употреба во случај на оживување на нуклеарниот договор со Западот, ниту договорот на развиените земји за координирано ослободување од 60 милиони барели не направија никакво влијание.
Гасот поскапен за 120 осто
Цените на европскиот гас забележаа неверојатна неделна зголемување од 120 отсто, достигнувајќи 208 евра за мегават час – рекордно високо ниво.
