Војна во Украина, 91 ден. Офанзивата во Донбас, кој е цел на жестоки напади, станува се посилна, додека украинските власти предупредија дека руската офанзива влегува во најинтензивна фаза досега. Руските сили се обидуваат да ја преземат контролата над Северодонецк, Лишанск и Рубижне со цел да го освојат целиот регион Луганск, соопшти британското Министерство за одбрана. Зеленски ја оцени ситуацијата во Донбас како исклучително тешка, посочувајќи дека редовното снабдување со оружје за Украина е најдобрата стратегија за зачувување на глобалната стабилност. Американскиот милијардер Џорџ Сорос предупредува дека цивилизацијата можеби нема да ја преживее руската инвазија на Украина, наведувајќи дека тоа би можело да го означи почетокот на Третата светска војна.
08:32
САД затвораат „дупка“ за плаќање на рускиот долг
Соединетите Американски Држави ѝ пресекуваат уште една финансиска рута за плаќање на меѓународните долгови на Русија, потег што би можел да ја доближи земјата до неплаќање, јавува Би-Би-Си.
Американското Министерство за финансии објави дека ќе стави крај на ослободувањето што им овозможи на сопствениците на американските обврзници да прифаќаат плаќања, заострувајќи ги санкциите воведени поради војната во Украина.
Иако новите правила важат само за луѓето во Соединетите држави, на Русија ќе и биде потешко да плаќа на друго место, со оглед на улогата на американските банки во глобалниот финансиски систем, оценува Би-Би-Си.
08:31 часот
Сорос: Цивилизацијата можеби нема да ја преживее руската инвазија на Украина
Американскиот милијардер Џорџ Сорос предупреди дека „цивилизацијата можеби нема да ја преживее“ руската инвазија на Украина, наведувајќи дека тоа може да го означи „почетокот на Третата светска војна“.На маргините на Светскиот економски форум во Давос, тој рече дека војната во Украина ја потресе Европа од корен.
Тој го повика светот „да ги искористи сите свои ресурси за порано да заврши војната“, додавајќи дека „најдобриот и можеби единствениот начин да се зачува нашата цивилизација е да го победиме Путин што е можно поскоро“.
08:28
Зеленски: Ситуацијата во Донбас е исклучително тешка
Украинскиот претседател Володимир Зеленски ја нарече ситуацијата во Донбас „исклучително тешка“ и посочи дека редовното снабдување со оружје за Украина е најдобрата стратегија за зачувување на глобалната стабилност.
За време на синоќешното обраќање Зеленски рече дека „целата сила на руската армија е насочена кон нападот во Донбас“.
„Лиман, Попасна, Северодоњецк, Славјанск – окупаторите сакаат да уништат сè таму“, рече Зеленски.
Тој додаде дека затоа испораката на тешко оружје за Украина е најдобрата инвестиција за зачувување на стабилноста во светот и спречување на многу посериозна криза која Русија се уште ја планира или веќе ја предизвика.
Украинските одбранбени претставници предупредија дека војната во Русија во источна Украина сега е во најинтензивна фаза и може да ја одреди судбината на целата земја.
