Поранешниот американски претседател Доналд Трамп во интервју за „Фокс њуз“ го изложи својот план за постигнување мир во Украина „во рок од 24 часа по повторното заземање на Белата куќа“.
Трамп рече дека ќе му препорача на украинскиот претседател Володимир Зеленски да склучи договор.
Водителката Марија Бартиромо побара од Трамп детално да го објасни својот план за завршување на војната во рок од 24 часа.
– Го познавам Зеленски многу добро, а исто така го познавам и Путин многу добро, уште подобро. И со двајцата имав добри односи, многу добри. Би му рекол на Зеленски: „Доста е. Мора да се договорите“. На Путин би му рекол: „Ако не склучите договор, ќе му дадеме многу. Ќе ѝ дадеме на Украина повеќе од сè што досега добиле. Ќе склучам договор за еден ден! Еден ден – одговори Трамп.
