Аеродромите во Подгорица и во Тиват, Црна Гора, утринава околу 9 часот добиле закани преку телефон дека се поставени бомби. Аеродромите во моментов се затворени, а полициски службеници со кучиња трагачи вршат проверки. Додека траат проверките, авионите кои требаше да слетаат, кружат на небото над Црна Гора.
– Во Подгорица еден авион е вратен на дополнителна контрола. Во моментот полициски екипи прават контроли на аеродромот – велат од аеродромот во Подгорица.
Министерстовто за внатрешни работи на Црна Гора соопшти дека на персоналот на двата аеродрома им се заканувале од телефонски број од странство.
Аеродромските служби им наредиле на сите пилоти кои требало да слетаат на аеродромите да кружат сѐ додека не завршат проверките на полициските службеници.
