Колумбиската пејачка Шакира продолжува понатаму со својата кариера по емотивниот крах, а неодамна ја објави песната „Monotonia“ која ја сними во соработка со порториканската музичка ѕвезда Озуна.
Многумина веруваат дека оваа песна е посветена на поранешниот партнер на Шакира, фудбалерот Жерар Пике, особено поради стиховите: „Не е твоја вина, ниту моја. Никогаш ништо не сум рекла, но ме повреди, знаев дека ова ќе се случи“.
Додека нејзиниот нов хит ги освојува топ-листите, колегата на Шакира, Озуна го изјавил своето воодушевување од поп сензацијата на социјалната мрежа Твитер.
„Не е твоја вина, ниту моја“, напишал тој, па продолжил: „Вљубен сум во Шакира“.
Тој пред тоа споделил селфи од Шакира, со кое пејачката му го честитала денот на објавување на песната.
И додека се шпекулира колку Озуна бил сериозен или е само маѓепсан од нејзиниот талент, Шакира продолжува да молчи за своето раскинување со Пике со кој неодамна беше видена на бејзбол натпревар на нивниот син.
Пејачката и фудбалерот не комуницирале ниту, пак, се погледнале, а таа неодамна направила исклучок од своето правило да не зборува за својот приватен живот и открила дека не ѝ е лесно откако спортистот ја изневерил.
ФОТО: Инстаграм/Твитер
