Израелскиот премиер Бенјамин Нетанјаху закрепнува во болницата „Хадаса Ајн Керем“ во Ерусалим откако доцна синоќа беше опериран од хернија (кила), објави денеска Тајмс оф Израел.
Болницата соопшти дека операцијата била успешна и дека Нетанјаху се разбудил од анестезија и разговара со семејството, пишува весникот.
– Состојбата му е совршена – изјавил професорот Алон Пикарски кој е шеф на општата хирургија.
Во соопштението на болницата се наведува дека кардиологот бил дел од медицинскиот тим на премиерот за време на операцијата. Лани му бил вграден пејсмејкер на Нетанјаху за да спречи срцеви аритмии.
На израелскиот премиер во саботата му била дијагностицирана хернија за време на рутински преглед.
Додека Нетанјаху бил на операција, премиерската функција привремено ја презел министерот за правда Јарив Левин кој е и негов заменик.
Albanian
English
Macedonian
Turkish
