Цените на половните автомобили се на највисоко ниво во историјата и најверојатно наскоро ќе паднат, објави финансискиот оддел на Фолксваген. „Сега сме на врвот“, рече шефот на продажба Ентони Бандмен.Тесните грла во понудата и намалувањето на производството во автомобилските фабрики оваа година ја потиснаа цената на половните автомобили на германскиот пазар за 20-25 отсто над повеќегодишниот просек.
Директорот за финансиски услуги на Фолксваген, Кристијан Далхајм, се согласи со оценката дека трендот наскоро ќе оди во спротивна насока, како и директорот за финансии, Френк Фидлер, кој очекуваниот пресврт го припишува на воздржаноста на клиентите.
„Цените веќе полека паѓаат бидејќи луѓето очекуваат рецесија и се повнимателни со своите пари“, вели Фидлер.
Тој додава дека повеќе фактори влијаеле на цените годинава – освен недостигот на нови возила, тука се и последиците од војната во Украина, односно завршувањето на периодот на евтините кредити.
