Чоколадото се трудиме да го избегнуваме, особено ако сме на диета, бидејќи се вели дека има негативно влијание на организмот. Сепак, се чини дека тоа не е вистина. Некои тврдења за чоколадото не се точни, велат експертите.
Чоколадото е штетно
Чоколадото, особено темното чоколадо, содржи здрави хранливи материи, вклучувајќи железо и антиоксиданси кои помагаат во борбата против стресот, пишува Eatthis.com.
Ако сакате да изгубите тежина, не можете да јадете чоколадо
Експертите тврдат дека можете да јадете сè и истовремено да ги изгубите несаканите килограми, всушност е важно колку јадете и колку често. Така можете да јадете и чоколадо, само треба да внимавате на препорачаниот внес на калории.
Чоколадото може да предизвика зголемување на шеќерот во крвта
Иако содржи преработен шеќер, содржи и влакна и антиоксиданси. Ако сакате чоколадо, но се плашите од зголемување на шеќерот, одберете темно или чоколадо со помалку шеќер, советуваат експертите.
Чоколадото предизвикува акни
Иако шеќерот може да ја влоши постоечката состојба кај луѓето склони кон акни, нема докази дека чоколадото предизвикува излив. Ова е под влијание на бројни фактори како што се хормоните, типот на кожата, генетиката, возраста, негата на кожата и надворешните фактори, велат експертите.
