Од полноќ за еден денар поевтинува дизелот, а за половина денар „екстра лесното масло за домаќинство“. Бензините поскапуваат за половина денар, одлучи денеска Регулаторната комисија за енергетика.
Малопродажната цена на дизелот ќе изнесува 77 денари за литар, а на екстра лесното масло за домаќинство по цена од 75,5 денари за литар.
Новата цена на „еуросупер -95“ од полноќ ќе биде 83 денари за литар, а „еуросупер -98“ ќе се продава по цена од 85 денари за литар.
Малопродажната цена на мазутот се зголемува за 0,409 ден/кг и ќе изнесува 43,752 ден/кг.
